„Дајмлер“ повлекува над 75 000 „Мерцедес Бенц“ од Англија

Германскиот автоконцерн “Дајмлер” соопшти дека повлекува над 75 000 модела “Мерцедес Бенц” од Англија поради опасност од пожар. Ова е само мал дел имајќи го предвид фактот дека на германскиот автомобило-производител ќе му се наложи да отстрани од пазарот вкупно 1 милион автомобила, поради 51 пријавен случај на палење.

Според експертите причината е дефект во осигурувачот кој ги тера автомобилите да прегреат и да се палат. Во моментов нема информации за смртни случаи или тешко повредени возачи или патници, рече фирмата во официјалното соопштение.

Засегнатите се моделите од А, B, C и E-класа, како и моделите CLA, GLA и GLC, пишува “BBC Ди”.