Родителите на децата од градинките ќе бидат казнети со  2.500 евра ако ja откажат задолжителната консултација за вакцинирање. Како што пишува весникот “Билд”, ова се предвидува во новиот закон за кој ќе се разговара за идната недела во Бундестагот. Согласно законот, воспитувачите во градинките ќе бидат обврзани да ги информираат здравствените служби за сите родители кои одбиваат консултации за вакцинација. А здравствените власти ќе можат да им наметнуваат казни.

Министерот за здравство Херман Грое изјави дека не можеме да одминуваме фактот дека “се уште има луѓе кои умираат од морбили”. Тоа, според него, ја објаснува и потребата од заострување на мерките за превенција преку имунизација.

Само во Есен до овој понеделникот беа регистрирани вкупно 31 случаи на мали сипаници. Експертите сугерираат дека вистинскиот број на болести е значително поголем . “Мали сипаници не е безопасно детска болест. Тоа може да предизвика воспаление на мозокот кај децата, а кај возрасните – бронхопневмонија”, вели одговорно лице за здравство кон општината Петер Рензо. Тој додава дека компликациите настапуваат обично кај возрасните пациенти.