Јавното обвинителство бара притвор за дедото на Тамара, Љупчо Стојановски кој вчера со воздушен пиштол пукаше во поранешниот министер за здравство Никола Тодоров. 
“Осомничениот се гони за сторени две кривични дела и тоа обид за убиство од член 123 во врска со член 19 и за недозволено изработување, држење и тргување со оружје или распрскувачки материи од член 396 од Кривичниот законик. Надлежниот јавен обвинител до судот поднесе и предлог за определување притвор, бидејќи ценеше дека се исполнети законските основи за нејзиното изрекување“, стои во соопштението.
Малата Тамара Димовска, почина додека чекаше Фондот за здравство да го одобри нејзиното лекување во странство. Судија од Кривичниот суд, по претходна постапка треба да одлучува по барањето за притвор, на нејзиниот дедо Стојановски.
Пукањето се слупчи вчера додека Тодоров се качувал по скалите на министерството за здравство каде требаше функцијата да му ја предаде на новиот министер за здравство Арбен Таравари.