Кинескиот концерн Geely, чија сопственост е шведската марка Volvo, го купил американскиот производител на летечки автомобили Terrafugia, соопштува The Detroit Bureau. Компанијата е основана од група програмери од МИТ (MIT) и според мислењето на водечките специјалисти е многу блиску до ставање на хибрид помеѓу авион и автомобил во серија.
Во последните години бројни компании развиваат летечки автомобили. Меѓу нив има и полни почетници како словачката AeroMobil и германската Carplane, така и корпорации од рангот на Airbus, Toyota и дури Uber.
Terrafugia сепак има предноста да добила дозвола за летови од Федералното управување за цивилно воздухопловство на САД (FAA), што се смета за повеќе од сигурен тестамент за напредокот на проектот.
Летечкиот автомобил Terrafugia TF-X има крила, автопилот со функција за слетување без човечка интервенција и падобрански систем за безбедно слетување во случај на техничка грешка. Апаратот е опремен со млазни мотори и може да слета вертикално.