Оригиналот на документот за летот на Јуриј Гагарин во земјениот вселенски простор беше продаден на аукција во “Сотби” за 47,5 илјади долари. 
На аукцијата беа извезени 10 предмети поврзани со советската вселенска програма, меѓу кои документот за летот на англиски јазик на меморандум на централниот аероклуб “Чкалов”, насловен како “Регистрација на првиот вселенски лет, извршен од државјанинот на СССР Јуриј Алексеевич Гагарин на 12 април 1961 година на вселенскиот брод-придружник “Восток”.
Има приложена и слика на Гагарин во скафандер. Официјалниот документ бил подготвен за испраќање во Меѓународната воздухопловна федерација. Првичната оценка на овој документ беше 50-80 илјади долари.
Три пати поскапо од првичната проценка – за 20 илјади долари – беше продаден ракетниот мотор V-751, развиен од страна на советскиот конструктор Алексеј Исаев, за 18,5 илјади – модел во природна големина на првиот советски вештачки сателит на Земјата, лансиран на 4 октомври 1957 година.
Малата рамна чантичка со која Нил Армстронг собира примероци од површината на Месечината во реонот на слетување на Аполо 11, беше продадена за 1,8 милиони долари. За 6 илјади долари беше продадена слика на Месечината, направена во 1885 година од британскиот астроном Ворен да ла рју, за 5625 долари – слика на Морето на Москва од спротивната страна на Месечината, направена во 1967 година. За 50 илјади долари – 10 пати над очекуваната цена – беше продаден процесор од американскиот вселенски брод за повеќекратна употреба “Спејси шатл”.