Хашкиот трибунал отвори внатрешна истрага за околностите кои доведоа до самоубиство на Слободан Праљак во судницата.
Како што соопшти денеска Трибуналот, оваа истрага ќе ја спроведе државниот обвинител на Гамбија Хасан Џалоу, кој беше главен обвинител на меѓународниот суд за Руанда.
Оваа „независна ревизија“ ќе биде насочена на „внатрешните операции на Трибуналот, во согласност со стандардните процедури“, пишува во соопштението.
Преиспитувањето на процедурите ќе започне следната недела, а извештај за резултатите се очекува пред затворањето на судот на 31 декември.
Кривична истрага за самоубиството на Праљак спроведуваат холандските власти.
Поранешниот командант на босанските Хрвати Слободан Праљак (72) на 29 ноември испи отров за време на изрекувањето на пресудата во судница на Хашкиот трибунал, а по кусо време почина во една болница во Хаг.