Пожар во стара куќа во кавадаречко Бегниште, повредени нема

Пожар зафатил стара куќа попладнево во кавадаречкото село Бегниште, повредени нема. Командирот на Територијалната противпожарна единица од Кавадарци Илчо Богевски изјави дека со тројца пожарникари и две противпожарни возила успеале да спречат огнот да се прошири на околните објекти во селото.

Богоевски рече дека пристапот до куќата бил многу тежок и дека едно од противпожарните возила се излизгало од патот.

Тој упати апел за внимателност, особено вечерва кога ќе се палат коледарски огнови./МИА