Навивачите на кошарката можат да очекуваат сериозна атракција за време на конкурсите за забивање и шут од тројка во текот на Ол Стар викендот во НБА.
Од лигата ги објавија учесниците на натпреварите и дефинитивно ги кренаа сериозно очекувањата на навивачите.
Во натпреварувањето ќе се вратат Арон Гордон од Орландо и Виктор Оладипо од Индијана во потрага по прв триумф.
Покрај нив ќе учествуваат уште Лери Нанси Џуниор, чиј татко го освои првото издание на конкурсот во 1984-та, кога во финалето го победи Џулиус Ирвинг, како и новата ѕвезда на Далас – Денис Смит.
Листата за натпреварот во тројка исто така е импресивен. Ерик Гордон од Хјустон ќе ја брани титулата од минатата година во конкуренција на сериозни стрелци како Пол Џорџ, Клеј Томпсон, Кајл Лори, Девин Букер, Вејн Елингтон, Бредли Бил и Тобајас Харис.
Сите натпревари ќе се одржат во сабота наспроти недела навечер по македонско време во текот на Ол Стар викендот, кој е меѓу 16 и 18 февруари во Лос Анџелес.