Големата ѕвезда на Реал Мадрид, Кристијано Роналдо направи специјално видеообраќање кон навивачите на „белите“, со кое ги повика приврзаниците да покажат „безусловна поддршка“ кон него и неговите соиграчи за време на важниот судир со Пари Сен Жермен.
Средбите од 1/8-финалето на Лигата на шампионите излегоа едни од најважните за тимот во сезоната, откако Реал одамна ги загуби шансите за титулата и отпадна од Купот на Шпанија.
„Во среда имаме многу важен натпревар против одличен тим. Она за што јас и моите соиграчи ве молиме, е да ни ја дадете вашата безусловна поддршка, како и секогаш. Заедно ќе бидеме многу посилни. Hala Madrid!“, повика CR7.
??? @Cristiano: "On Wednesday we have a very important match against a great team. What me and the team are asking for is your unconditional support like always and together we will be much stronger. Hala Madrid!" #APorLa13 pic.twitter.com/N1SL44D2m0
— Real Madrid C.F.???? (@realmadriden) February 13, 2018
Герет Бејл се приклучи со следново: „Ве очекувам во среда и се надевам дека повторно ќе пишуваме историја заедно“.
?? #RMFans, @GarethBale11 has a message for you ahead of tomorrow's big match! ? pic.twitter.com/ELWBvdAF6J
— Real Madrid C.F.???? (@realmadriden) February 13, 2018
Обраќањето на Кристијано Роналдо доаѓа само неколку дена откако тој изрази разочарување од навивачите поради тоа што дел од нив го исвиркаа Карим Бензема за време на победата од 5:2 над Реал Сосиедад.