Стеф Кари го повреди глуждот, но остана во игра и нанижа 28 поени за тешката победа на Голден Стејт над Атланта со 114: 109.
Тој настрада уште во првиот дел, кога стапна на ногата на соиграчот Заза Пачулија, но успеа да продолжи со своето учество по мал прекин и да помогне за 5-тата последователна победа на воини.
Тренерот Стив Кер одлучи на крајот да го остави надвор од паркетот, но и без него шампионите успеаја да запишат успех, иако во последните секунди разликата падна едвај до 2 поени.
Случката сепак нема да му попречи на Стеф, кој заедно со Клеј Томпсон планира да остане во Џорџија и да поигра голф на познатото игралиште во Огаста пред двајцата да се вратат во Заливот. Од самиот почеток, тој ја постигна 200-тата тројка во кампањата, успевајќи во 4 од 9 удари од растојание.
Кевин Дурант, исто така, постигна 28 поени за победниците кои имаа неочекувани потешкотии против еден од најслабите тимови на лигата. Украдена топка и кош на Андре Игудала на крајот осигура дека нема да се стигне до сензација.
Така Голден Стејт се подобри до 49-14, но се уште има еден пораз повеќе од лидерот во Лигата, Хјустон во битката за предност на домашен терен во плеј-офот.