Општина Гази Баба одвои 600.000 денари за филтри за вода во училишта и градинки

Општина Гази Баба издвои 600.000 денари за поставување филтри за прочистување вода во основните училишта „Дане Крапчев“, „Крум Тошев“ и „25 Мај“ и објектите на градинките Сонце, Темјанушка и Пони.

Градоначалникот на Гази Баба при денешната посета на ООУ „Дане Крапчев“ каде е во тек поставување филтри ја истакна важноста на чистата вода за пиење за здравјето, растот и развојот на децата.

– Здравјето на дечињата ни е најважно. Одлучивме овие филтри да ги поставиме пред се заради безбедноста на учениците. Општината Гази Баба во рамки на своите можности и во следната година ќе го продолжи овој проект, изјави градоначалникот Георгиевски./МИА