LG официјално го ажурираше своето портфолио од паметните телефони со Android со премиерата на три предлози од просечната ценовна класа. Новите уреди се викаат LG Q7, Q7 Plus и Q7α, а освен сличен дизајн, ќе го привлекуваат вниманието на корисниците со различни спецификации. Куќиштето е изградено од стакло и метал, а во задниот дел е лоциран сензор за отпечаток. Екранот има минимални рамки на четирите страни, а моделите ќе ги понудат сите функции во платформата Android 8.0 Oreo.
LG Q7 има 5,5-инчен екран со Full HD + резолуција од 2160 х1080 пиксели при сооднос на екранот од 18:9, како и 2,5 Arc Glass заштитна покривка, информира AndroidHeadlines. Трите модели ќе се напојуваат од 64-битни 8-јадрени процесори со работна фреквенција, која варира помеѓу 1.5GHz и 1.8GHz. Корисниците со динамичен начин на живот ќе имаат можност да ги искористат предностите и од IP68-сертифицираните премази, кои гарантираат ефективна заштита од прав и вода.
Максималниот квалитет на звукот ќе биде загарантиран со технологијата DTS: X 3D Surround SounD, со опција за препознавање на лице. LG Q7 има 32GB меморија, 3GB RAM меморија и 13MP камера.
Во исто време LG Q7 Plus ќе понуди спој меѓу 4GB RAM и 64GB меморија, како и 8МР камера за селфи во предниот дел. Идните сопственици на LG Q7a ќе можат да избираат помеѓу 3GB RAM / 32GB меморија, 13 или 16MP сензор од задната страна. Aurora Black, Morrocan Blue и Lavender Violet се боите кои може да ги очекувате.