HMD Global продолжува да го исполнува ветувањето за надградби на нивните телефони до најновите верзии на Android и овој пат е подготвена да ги израдува корисниците на најевтиниот смартфон во портфолиото на компанијата – претставен минатата есен – Nokia 2.
Уредот се појави на пазарот со Nougat 7.1.1 и го пропушти Android 8.0, но така практично ќе добие директно верзија 8.1, која вклучува и дополнителни оптимизации за уредите со скромни ресурси како дел од иницијативата Android Go.
Корисниците на телефонот веќе можат да ја испробаат првиот тест верзија на Android 8.1 со регистрирање во Nokia Beta Labs и го запишат IMEI бројот на телефонот, а потоа ќе добијат надградба до најновиот софтвер.
Во секое време може да се излезе од тест програмата, но тоа ќе доведе до враќање на фабричките поставки на телефонот и до бришење на информациите во него, па не заборавајте да направите резервна копија на вашите податоци.
Финалната верзија на Android 8.1 за Nokia 2 најверојатно ќе биде подготвена во рок од неколку недели.