Новите лаптопи MacBook Pro имаат проблем со прегревање, соопшти ТВ каналот CBNC, повикувајќи се на соопштение од самиот производител – Apple од Купертино, Калифорнија.
Најскапата ИТ компанија се извини на корисниците на MacBook Pro и тврди дека веќе го отстранила проблемот со пуштање на софтверска надградба MacOS High Sierra 10.13.6, откако ги повикува клиентите да ја инсталираат.
Apple спровела дополнителни тестови со работни оптоварувања, при што утврди дека недостасува дигиталниот клуч за системот за ладење, што влијае на топлинската контрола и може да доведе до намалување на брзината на фреквенцијата на процесорот.
Обновената линија MacBook Pro дебитираше на 12 јули во верзии со 15- и 13-инчни екрани и процесори Intel од осмата генерација. Според Apple, 15-инчниот MacBook Pro работи за 70% побрзо, а 13-инчниот лаптоп со сензорен панел е два пати побрз од претходните модели, за што сведочат резултатите од тестовите на компанијата.
Корисниците сепак забележаа дека топ конфигурацијата на MacBook Pro со процесор Intel Core i9 прегрева и губи перформанси. Излезе на крајот дека системот за ладење не може да се справи со излачуваната топлина од процесорот.