Во каналот Concept Creator на YouTube има прилично кул концептуално видео на претстојниот предводник на Samsung Galaxy S10. Тоа ги илустрира поголемиот дел од гласините околу смартфонот и иако веројатно ќе има некаков контакт со реалноста, уредот што ќе го видиме следната година сигурно ќе се разликува доста од прикажаното во видеото. Сепак, дефинитивно вреди да се гледа.
Во него смартфонот е направен од метал и има стаклена покриеност, а дизајнот не се оддалечува особено од оној на Galaxy S9 и S9 Plus. Екранот е заоблен и со речиси невидливи рамки и со заоблени агли. Исто така постојат и две предни камери, веројатно наменети за препознавање на лицето.
Задниот панел е уште поинтересен – таму ќе видите тројка камери во хоризонтална поставеност кои си прават друштво со сензор за срцев ритам и LED блиц. Скенер за отпечатоци недостасува, што повторно не наведува на мислата дека Samsung ќе се обложи на така модерното отклучување со помош на лицето, претставено од Apple и iPhone X. Другата можност е скенерот да е вграден во самиот дисплеј – нешто за што се зборува многу одамна и е крајно време да се материјализира со оглед на тоа дека технологијата веќе е достапна и подготвена за производство. И тоа веќе го видовме во моделите на Vivo Nex S.
Galaxy S10 е покажан во црна и црвена, а се очекува вистинскиот смартфон да биде достапен во поширок спектар на бои.