LG најавува нов смартфон, кој ќе се управува со гестови (видео)

LG го најави настанот на Мобилниот конгрес во Барселона. Ќе се одржи на 24 февруари под слоганот „Збогум на допирот“.

Корејската компанија, исто така, објави краток клип кој подразбира дека управувањето на уредот ќе биде со гестови за кои нема потреба да се допира екранот, но ќе се извршуваат над него.

Се разбира, ова не е нешто што досега не е видено, а таквата контрола беше дел од интерфејсот на голем број на Samsung уреди во минатото.

Очигледно, сепак, LG подготвува нешто ново и различно што допрва треба да се види.

Во Барселона, корејската компанија се очекува да го претстави својот нов предводник LG G8 и можеби паметен телефон со дисплеј на преклопување, но веројатноста за второто е мала.

https://www.youtube.com/watch?v=JhCDpO2UZsA