Ако имате iPhone, треба да бидете внимателни, бидејќи експертите откриле многу интересен баг во апликацијата FaceTime. Излегува дека оваа маана му дозволува на лицето да започне повик со апликацијата и да го слушне звукот од другиот уред, пред од другата страна да го прифатат разговорот. Ова е сериозен проблем, бидејќи всушност ви овозможува да слушате што се случува од другата страна. Apple е информиран и веќе работи на ажурирање на софтверот.
Ситуацијата е непријатна, бидејќи проблемот влијае на iOS 12 уреди, но исто така и macOS. Лаптопите исто така се погодени, што значи дека многу повеќе луѓе се изложени на ризик, објави CNet. Корисниците дури тврдат дека во овој случај самото ѕвонење е подолго и колку повеќе се одложува прифаќањето или отфрлањето на разговорот, толку подолго може да се слуша звукот од другата страна. Проблемот може да стане уште понепријатен ако сте на јавно место.
Замислете на пример како знаете дека колега на другиот крај од канцеларија не е на своето биро и додека го бирате во FaceTime можете да слушнете што зборуваат другите луѓе околу неговото работно место. Популарноста на iPhone и лаптопите со macOS го прави овој недостаток доста непријатен. Во моментов единственото решение да не станете жртва на слични техники на шпионирање е да го блокирате FaceTime од менито на Вашиот уред. Apple ветија надградба за краток период, со која ќе го отстранат проблемот.
