Facebook продолжува да биде критикуван за начинот на кој ги чува нашите лични информации. Доста често компанијата обезбедува пристап до нив на своите огласувачи од трети страни без наше знаење. И покрај проблемите од оваа природа, социјалната мрежа продолжува да работи на вакви тајни проекти. Сега дознаваме дека Facebook започнале иницијатива со која плаќаат околу 20 долари на месец на корисници кои се претежно тинејџери, за да ја инсталираат апликацијата Facebook Research.
Всушност тоа е софтвер за создавање на VPN мрежи кој обезбедува целосен пристап до сите информации зачувани во мобилни уреди и активноста на нивните сопственици на интернет. Овој проект е активен уште од 2016 година. и ги опфаќа луѓето меѓу 13 и 35 години. Секој од нив треба да го симне Facebook Research на својот паметен телефон со Android или iOS, а во некои случаи компанијата дури бара корисниците да испратат скриншот на историјата на нарачките во Amazon, пријави TechCrunch.
Интересно, апликацијата не е достапна за инсталација од Google Play или App Store. Наместо тоа, корисниците треба да користат алтернативни услуги како BetaBound, uTest и Applause. Нивната цел е да прикажуваат реклами на посебни демографски групи во Instagram и Snapchat. Целиот овој проект е определен како независно социјално истражување, кое има за цел да обезбеди повеќе податоци за навиките на учесниците во него. Плаќањето на симболична сума месечно значи дека корисниците се согласуваат со условите на Facebook.