71
Кинеската компанија Xiaomi го претстави својот прв мобилен уред во програмата Android Go. Тој се нарекува Redmi Go, а продажбата во Европа ќе започне во февруари. Очекувањата се неговата цена да биде околу 80 евра. Логично не добивате многу за овие пари, но телефонот најверојатно ќе си ги најде своите корисници.
На располагање се 5-инчен 720р дисплеј, 4-јадрен чипсет Snapdragon 425 со фреквенција 1.4GHz, 1GB RAM, 8GB ROM меморија и две камери со резолуција 5МР и 8МР. Батеријата е со капацитет од 3000 mAh, па очекуваме да обезбеди долго време на автономија со едно полнење.
Паметниот телефон користи Android 8.1 Oreo Go Edition – специјална верзија на платформа оптимизирана за уреди со 1GB или помалку RAM меморија.