Министрите за одбрана на земјите членки на НАТО за време на претстојниот дводневен состанок во Брисел ќе го разгледаат нивото на нивната поддршка на Косовските безбедносни сили по трансфорамцијата во Војска на Косово.
– Се уште не сме донеле одлука, но рековме дека ќе го процениме нивото на ангажманот на НАТО, бидејќи неколку сојузници сметаат дека одлуката за трансформација на КБС во Војска се случила во погрешно време, а некои од нив се разочарани поради воведените такси за стоката од Србија и Босна и Херцеговина, изјави генералниот секретар на НАТО, Јенс Столтенберг.
За време на дводневниот министерски состанок на НАТО што почнува утре, пред разговорите за мисијата на Косово, ќе се разгледаат и други мисии на НАТО ширум светот со фокус на Авганистан и Ирак, како и операциите на море.