Општина Гевгелија во соработка со подрачниот Центар за јавно здравје порано од изминатава година го спроведе првото ларвицидно прскање против комарци.
Теренското третирање против ларви од комарци е извршено на површина од околу 10 хектари крај вода и водени површини идентификувани како лежишта на комарци.
– Посебно внимание беше посветено покрај реката Вардар, на потегот од селото Мрзенци до мотелот „Вардар“ и околу недоградената зграда во центарот на Гевгелија, велат од општината.
Надлежните служби најавија дека до 15 април ќе се изврши уште едно теренско ларвицидно прскање против комарци, а доколку се утврди потреба, ќе биде спроведено и трето теренско прскање.
Потоа ќе следуваат авионските прскања против комарци кои годинава општина Гевгелија ќе ги организира самостојно, а не преку заедничка акција со другите општини од Југоисточниот регион затоа што ефектите од заедничкото прскање биле многу слаби на територијата на општина Гевгелија.