SpaceX ја истрела ракетата Falcon Heavy со 24 сателити (ВИДЕО)

Компанијата SpaceX истрела утринава од Флорида тешката ракета Falcon Heavy со 24 сателити на бордот, кои ќе ги остава на различни места во орбитата во следните 6 часа.

Компанијата на Елон Маск го нарече почетокот на мисијата една од најтешките досега. Falcon Heavy е сметана за најмоќната ракета во светот и тоа е само третото нејзино лансирање и првото, направено во текот на ноќта (во 2:30 по локално време).

Лансирањето се случи со 3 часа задоцнување од Кејп Канаверал. Мисијата Space Test Program 2 (STP-2) е со експериментални сателити на различни агенции, вклучувајќи на лаборатории на Пентагон, универзитети, невладини организации, NASA и Националната администрација за истражување на океаните и атмосферата (NOAA).