Тимови на грчкото Министерство за финансии проверуваат туристички објекти на грчките острови. Акцијата се вика „Бура во Егејското Море” и прикриени цивилни инспектори се на островите во текот на целата сезона.
Тие проверуваат сè што може да се нарече „не-фер трговски практики”.
Неколку ноќни клубови веќе се затворени за неиздавање сметки за корисници. Казните се во илјадници евра.
На островите Миконос и Санторини, исто така, следат и за неразумно високи цени во таверните. Тие го проверуваат квалитетот на храната, како и количината.
-Кога клиентите се жалат, веднаш реагираме, велат инспекторите.
Тимовите, исто така, вклучуваат полициски службеници кои апсат сопственици кои одбиваат да ја достават целата документација на инспекторите. Акцијата ќе трае до крајот на туристичката сезона.