Камерите се една од клучните компоненти на паметните телефони и се предмет на најсериозни иновации. Водечките производители веќе експериментираат со развојот на леќите чија структура наликува на онаа на перископ. Најдобар пример за таквите иновации е Huawei P30 Pro, кој нуди импресивни можности за мобилна фотографија. Xiaomi е исто така заинтересиран за оваа технологија.
„GizmoChina“ нè информира дека компанијата има патентиран сопствен дизајн за перископска камера. Целосното име на регистрацијата е „Camera Components and Electronic Devices“. Концептот предвидува употреба на примарна леќа со висока резолуција, која е поддржана од најмалку еден дополнителен сензор. Патентот опишува оптичка оска која се наоѓа вертикално на главната камера.
Изградбата на таквата конструкција овозможува користење на помошен перископски сензор без зголемување на главната леќа. Сè уште немаме никакви информации за тоа кои ќе се првите уреди на Xiaomi со новата технологија. Секако, оваа иновација ќе стане дел од премиум паметните телефони на Android од највисоката класа. Па така Xiaomi ќе стане уште еден бренд со интерес за уникатната технологија.