Поп-ѕвездата Роби Вилијамс призна дека не можел да стане од неговиот кауч во текот на три
години, откако се борел со агорафобијата. 45-годишната поп-ѕвезда призна дека се бори со
анксиозно растројство што ги тера луѓето да избегнуваат јавни места или ситуации што можат да
предизвикаат паника.
Ова го оставило дома со години и го натерало да одбие понуда од 15 милиони фунти за да го води
американски „Идол“.
„Мојата кариера се истрела во стратосферата и ме испрати на Марс. Ми требаше малку време за да
ја вратам рамнотежата и да се вратам повторно“, рече тој.
„Моето тело и умот ми кажаа дека не треба да одам никаде и да не правам ништо. Ми беше кажано
да чекам – така што буквално само седев и чекав. Страдав од агорафобија од 2006 до 2009 година.
Овие години беа поминати во облека од кашмир, јадење на чипсови и пуштање брада“, изјави
Вилијамс за „Сандеј тајмс“.
„Се сеќавам дека ми понудија 15 милиони фунти за да го земам американскиот „Идол“, плус голем
концерт во САД, но ја отфрлив понудата, бидејќи не го напуштив каучот долго време. Јас
едноставно не можев“,додава Роби.
Според ѕвездата, од оваа состојба одеднаш го извадила песната „The Killers – Human“ и тоа се
претворило во нова пресвртница во неговиот живот.
„Морав да научам како да се забавувам. Тоа не беше лесен процес – тоа беше како да преживуваш
несреќа, а потоа повторно се учиш да одиш“, заклучи Роби.