Пред само неколку дена, објавивме дека Huawei развива конкурент на iPad Pro со име MatePad Pro. Кинескиот производител одржа специјален настан за официјално да го открие уредот. Huawei MatePad Pro нуди импресивна комбинација на карактеристики и е најмоќниот таблет што работи на Android досега. Високите перформанси се загарантирани со 7nm Huawei Kirin 990 процесор, кој е надополнет со 8 GB RAM меморија. Таблетот има уште поимпресивен екран и една од најмоќните батерии во индустријата.
Huawei MatePad Pro е со размери 159x246x7.2mm, со тежина од 460 грама. Уредот е опремен со 10,8-инчен IPS дисплеј со резолуција од 2560х1600 пиксели со мал отвор за предната камера на врвот. Соодносот екран-тело е 90%, со дебели рамки од само 4,9 мм околу дисплејот, пренесува GizmoChina. Овие карактеристики го прават таблетот оптимално решение за игри или мултимедијална забава. Максималниот квалитет на звукот е загарантиран со технологијата Histen 6.0.
На задната страна има камера од 13 мегапиксели, а вклучена е и поддршка за M-Pencil, кој препознава 4096 нивоа на притисок. Huawei MatePad Pro работи со интерфејсот EMUI 10, кој е базиран на Android 10. Батеријата има капацитет од 7250mAh со опција за брзо полнење од 40W. Внатрешната меморија е 128 или 256 GB. Компанијата потврди дека ќе пушти верзија со 5G на почетокот од 2020 година. Основната верзија на Huawei MatePad Pro чини 469 долари.