НАТО прекинува со обуката на ирачките сили за безбедност

НАТО прекинува со обуката на ирачките сили за безбедност по убиството крај Багдад на иранскиот генерал Касим Сулејмани.

Мисијата на НАТО во Ирак има неколку стотици војници, кои ги обучуваат ирачките сили од октомври 2018 година по барање на ирачката Влада.

– Мисијата на НАТО продолжува, но активностите засега се прекинуваат, изјави портпарол на НАТО. Генералниот секретар на НАТО Јенс Столтенберг имаше телефонски разговор со американскиот министер за одбрана, Марк Еспер, додаде портапролот.

Бројот на војниците кои се дел од мисијата на НАТО во Ирак е околу 500 лица.