Поради послабата фискална година за американскиот технолошки гигант Applе, платата на извршниот директор на компанијата, Тим Кук, исто така е помала: Во 2019 година Кук заработи вкупно 11,6 милиони долари (10,4 милиони евра), откако заработи 15,7 долари милиони долари една година порано, станува јасно од документите поднесени до Комисијата за хартии од вредност (SEC). Кук доби основна плата од 3 милиони долари во 2019 година. Кон неа има бонус и разни други придобивки.
Според документите, бонусот за корпоративните перформанси на Apple беше значително помал – 7,7 милиони американски долари, вооднос на 12 милиони долари претходната година. Причината за ова е фактот дека Apple ја надмина целта на продажбата за само 28 проценти – додека во 2018 година оваа цел беше надмината за 100 проценти.
Покрај основната плата и бонусот, Кук доби плата од 885.000 американски долари, главно за да ги покрие трошоците за неговата безбедност и приватниот авион.
„Поради безбедносни и ефикасни причини, Кук е должен да користи приватен авион за сите деловни и лични патувања“, според документите поднесени до SEC.
Покрај платата, Кук поседува и акции во Apple. Според документите, тој добил удел од околу 113 милиони долари за својата работа како извршен директор.
Сепак, салдото едвај преставува некаква грижа за 59-годишниот менаџер. Во 2015 година, тој изјави за магазинот Fortune дека сака целото богатство да го донира во добротворни цели.
Кук ја води компанијата од 2011 година – тој е наследник на основачот и креатор на iPhone – Стив Џобс, кој почина истата година.