223
Американскиот претседател Доналд Трамп предвиде дека коронавирусот ќе исчезне во април заради жештината и ги пофали постапките на кинеската влада, пренесе Франс прес
„До април или во текот на април, топлината генерално убива вакви вируси“, рече Трамп пред Белата куќа. „Ова ќе биде нешто убаво“, додаде тој.
Епидемијата на новиот коронавирус може да се промени со почетокот на пролетта и летото, но мерките за спречување на неговото ширење ќе бидат пресудни, забележува АФП.
Досега епидемијата продолжува да се шири и здравствените власти ги избегнуваат предвидувањата за тоа кога ќе започне да опаѓа бројот на заразени.