Иако истакнува дека често се среќава со негативни коментари, Кортни Кардашијан овој пат била изненадена од позитивните реакции.
Во интервју за априлското издание на магазинот Health, Кортни зборувала и за фотографиите кои ги објавила минатото лето. Станува збор за необработена фотографија на која позира во едноделен костим за капење и гордо ги открива своите стрии.
„Стриите на горниот дел од нозете ги добив во осмо оделение и никогаш не ми сметаа. Напротив, ги сакам“, рекла Кортни.
Сепак, она што изненадило се скоро во потполност позитивините коментари под фотографиите во кои нејзините следачи ја пофалиле што не користела фотошоп и што учествува во body positivity движењето.
Кортни во истото интервју додала дека многу ѝ е важно да даде добар пример за своите деца како би ги зајакнала ментално, оди на терапии еднашка до два пати неделно. Истакна дека терапиите и помогнале во борба со негативните коментри со кои се соочува секојдневно.