Пејачката Адел наводно потврдила дека се омажила за Рич Пол.
Се шпекулираше дека парот се венчал минатата година, а Адел поттикна дополнителни шпекулации кога спортскиот агент го нарече свој „сопруг“.
Британски „Дејли Мејл“ пишува дека дивата потврдила дека е мажена додека била во посета на својот најдобар пријател Алан Кар во Лос Анџелес.
Еден од гостите потврди дека Адел била на хумористичкото шоу на Алан Кар во ЛА и седела во публиката. Алан ги прашал гостите дали некој неодамна стапил во брак, а Адел извикала „Јас“.
„Адел седеше веднаш зад мене со пријателка. Нејзиното обезбедување дојде само да ѝ донесе грицки“, додале тие.
Минатиот месец, Рич (41) се осврна на гласините за бракот кога откри како тој и Адел (35) „си помагале“ за време на нивната двегодишна врска.
Појавувајќи се на CBS Mornings, Рич рече: „Таа беше одлична, мислам дека ќе се согласи дека дефинитивно си помогнавме. Јас сум во добар простор, ние сме во добар простор. Таа е одлична. Таа е одлична за мене. Ние сме совршени еден за друг“.
Потоа Рич беше прашан од водителката на CBS, Гејл Кинг, за гласините дека тој и Адел се венчале.
„Можете да кажете што сакате“, пред да додаде дека тој не е „тип на личност што го става својот личен живот под будното око на медиумите“.
Во април 2019 година, Адел го финализираше разводот со Сајмон Конецки, со кој го има синот Анџело.