Во своето гостување во 24 отворено, претставникот од Владата, Едмонд Адеми, ја прокоментира за односот кој С.Македонија го има со Бугарија, но и улогата на специјалниот претставник на Владата за преговорите, Владо Бучковски.
„Акцискиот план беше доставен вчера, а денес очекуваме Бучковски да се врати, па потоа работната група ќе го разгледа и ќе види што истиот содржи. Тоа е инаку, одговор на нашиот акциски план, кој ние го испративме некаде пред Нова Година. Бугарија е длабоко влезена во предизборна кампања, па оттаму политичарите таму сега ќе бидат пожестоки во својата реторика, а ние треба да останеме воздржани. Ние не сме во воен конфликт со Бугарија, но и во такви конфликти постоела комуникација. Ние не сакаме да бидеме злоупотребени во нивната реторика, па затоа ќе бидеме насочени кон мирна комуникација. “