„Ннова етапа во разговорите, од денеска ќе се работи во суштина за новиот концепт на Законот за високо образование и се надевам дека во една конструктивна атмосфера ќе стигнеме до конечниот текст„, изјави министерот за образование и наука, Абдулаќим Адеми, по средбата на работните групи кои работат на подготовка на новиот закон.
Ректорот на универзитетот „Св. Кирил и Методиј“, Велимир Стојковски рече дека ќе следи изработка на текст кој ќе биде понуден на јавна расправа.
„Се надеваме дека со ваквата широка вклученост на универзитетската заедница и на државата ќе добиеме еден квалитетен закон кој ќе биде применлив и компатибилен со европските закони„ посочи Стојковски.
На средбата учествуваа претставници и од Студентскиот и од Професорскиот пленум.
„Студентски Пленум очекува низ академска расправа да се дојде до најдобро законско решение кое ќе го отсликува високообразовниот систем во Република Македонија, но и ќе предвиди нужни промени со цел унапредување на квалитетот на високото образование„ изјавија од Студентскиот пленум.