Адвокатите на основачот на „Викиликс“, Џулијан Асанж, поднесоа тужба против американската Централна разузнавачка агенција (ЦИА) и нејзиниот поранешен директор Мајк Помпео, тврдејќи дека агенцијата ги снимила нивните разговори и ги копирала податоците од нивните телефони и компјутери.
Во тужбата се приклучија и двајца американски новинари, а адвокатите тврдат дека ЦИА ја прекршила уставната одредба во Соединетите Американски Држави за заштита на доверливи разговори со Асанж, кој е Австралиец, објави „Гардијан“.
Во тужбата се наведува дека ЦИА соработувала со безбедносна фирма договорена од амбасадата на Еквадор во Лондон, каде Асанж во тоа време престојувал, за да го шпионира основачот на „Викиликс“, неговите адвокати, новинари и други со кои се сретнал Австралиецот.