Пејачката Шакира беше во врска со фудбалерот Жерар Пике 12 години и со него ги има синовите Милан и Саша.
Поради деловните обврски на Пике таа се пресели во Барселона, каде што се соочи со дури шест обвиненија за затајување данок.
Сепак, пејачката успеа да се нагоди и да избегне затворска казна. Нејзиниот адвокат Пау Молинс изјави дека Шакира не би се нашла во ваква ситуација доколку живееше во Мадрид.
„Тие зборуваат толку многу за еднаквоста на Шпанците, а ако сте жител на Каталонија, можете да одите во затвор за злосторство за кое тоа е невозможно во Мадрид, бидејќи нема данок на имот“, изјави Молинс за Catalan News.
„Да се вљубеше во Серхио Рамос, наместо во Жерар Пике, тоа ќе ја чинеше значително помалку пари“, додаде тој и рече дека неговата клиентка е невина и „не се обидела да ја измами државата“.
„Тоа е многу комплицирано прашање со светските уметници кои постојано се во движење“, заклучува адвокатот на Шакира за споменатиот медиум.