Меѓународната рејтинг агенција „Мудис“ идентификуваше 46.000 компании во Европската унија во кои најмалку 40 отсто од имотните права директно или индиректно им припаѓаат на Руси или руски компании како дел од барањата на 12-от пакет санкции против Русија.
Како што е наведено, најмногу такви компании се забележани во Чешка, поточно 12.480, Бугарија 9.581, Германија 4.296, Летонија 3.338 и Италија 2.539.
Статистиката ги вклучува и Русите кои имаат двојно државјанство, вклучувајќи го и државјанството на земјите-членки на ЕУ, пренесе „Комерсант“.
„Наредбата има за цел да обезбеди подобра проценка на потенцијалните прекршувања на санкциите поврзани со Русија и да ги утврди изворите на приход на Русија. Земјите-членки на ЕУ имаат задача да ги оценат информациите пријавени од даночните обврзници со цел да откријат потенцијални прекршувања или заобиколување на санкциите“, беше објавено на веб-страницата на агенцијата Мудис.
Компаниите со руски удел од над 40 отсто мора, меѓу другото, да пријават финансиски трансфери од над 100.000 евра надвор од Европската унија од 1 мај.