Членовите на еколошкото движење „Последна генерација“ денеска ја испрскаа Бранденбуршката порта, симбол на Берлин, со портокалова боја.
„Протестот укажува дека е дојдено време за политички пресврт и откажување од фосилните горива и за поголема правда“, се наведува во соопштението на движењето „Последна генерација“, пренесува Хина.
Според полициското соопштение, во тек е акција при која се уапсени неколку лица на Парискиот плоштад, веднаш до Бранденбуршката порта.
Die #LetzteGeneration besprüht das Brandenburger Tor mit orangener Farbe. Wie findet ihr das? pic.twitter.com/oj6mIGlUoa
— Ingwar Perowanowitsch (@Perowinger94) September 17, 2023
Демонстрантите користеле пренаменети противпожарни апарати за да ја испрскаат бојата на Бранденбуршката порта и на Парискиот плоштад, каде се наоѓаат француската и американската амбасада.
Припадниците на „Последната генерација“ најавија интензивирање на акциите во Берлин во втората половина на септември со блокади на патиштата.
Акциите ќе бидат прекинати кога германската влада ќе ги исполни барањата на демонстрантите.
„Последната генерација“ бара Германија да се ослободи од фосилните извори на енергија до 2030 година, додека владата постави краен рок до 2045 година.
Фото: Paul Zinken / dpa