Еден од најпознатите холивудски актери Ал Пачино раскина со филмската продуцентка Нур Алфала.
И покрај значителната разлика во возраста, 84-годишниот холивудски актер и 30-годишнаѕа продуцентка се зближиле за време на пандемијата со Ковид-19, па дури и го добија синот Роман, во јуни 2023 година.
Актерот неодамна беше запрашан за неговиот моментален романтичен статус, а тој јасно кажа дека е сингл, велејќи: „Не. Имам само пријателства“, на прашањето дали е во емотивна врска.
Портпаролот на Пачино дополнително објасни дека двојката преминала од партнерство во пријателство и се обврзале да го израснат своето дете заедно:
„Ал и Нур се многу добри пријатели и заедно го воспитуваат својот син Роман“.
Пачино, чија романтична историја вклучува врски од висок профил со ѕвезди како Дајан Китон, Беверли Д’Анџело и Кетлин Квинлан, е исто така татко на три други деца. Покрај новородениот Романо, тој ја има и 34-годишната ќерка Џули со Јана Таранто и 23-годишните близнаци Антон и Оливија со актерката Беверли Д’Анџело.