Новите кориснички алатки на Меtа напојувани со вештачка интелигенција се базирани на моделот Llama 2 и треба да пристигнат наскоро, пишува Engadget. Компанијата, наводно, работи на неколку генеративни функции за вештачка интелигенција за Instagram, вклучително и ознаки кои им овозможуваат на креаторите да означат слики „генерирани со помош на Меtа AI“.
Информациите за новите функции доаѓаат од инсајдерот Алесандро Палуци, познат по откривањето на сè уште необјавените софтверски карактеристики на апликациите на Меtа. Палуци објави слика на која се гледа порака во Инстаграм во која објаснува како објавите генерирани од вештачка интелигенција наскоро доаѓаат на Instagram.
„Креаторот или Меtа тврди дека оваа содржина е создадена од вештачка интелигенција“, се вели во пораката. Дополнителните ознаки покажуваат дека содржината е „генерирана од мета вештачка интелигенција“ и дека „содржината генерирана од вештачка интелигенција е означена за полесно да се идентификува“.
Иако Меtа одбива да коментира, јасно е дека скриншот имплицира дека компанијата, како и Google и останатите играчи во брзорастечката лавина на содржини со вештачка интелигенција, сака да им помогне на корисниците да разликуваат „рачно изработени“ од она што го создава вештачката интелигенција. Како што генеративните алатки стануваат пошироко достапни, законодавците и истражувачите алармираат за тоа како технологијата ќе се користи за ширење дезинформации и заблуда на јавноста. Седум компании за вештачка интелигенција, вклучително и Меtа, претходно овој месец „ветија дека ќе воведат низа безбедносни мерки за вештачка интелигенција“ – како што се водените жигови за содржината генерирана од вештачка интелигенција.
Иако Меtа допрва треба да открие детали за генеративната интелигенција наменета за корисниците, Закерберг даде неколку совети велејќи дека „компанијата исто така развива низа нови производи кои користат Llama кои работат на поширок опсег на нивните услуги“.
Директорот на Меtа, исто така, рече дека корисниците можат „да замислат еден куп начини на кои вештачката интелигенција може да помогне во изразувањето во апликациите, од креативни алатки кои го олеснуваат споделувањето на содржината и го прават позабавно за користење, до агенти кои можат да помогнат, водат или да помогнат во интеракцијата со компаниите и креаторите“.
Покрај овие алатки, Палуци препозна и знаци на други карактеристики на вештачката интелигенција, вклучително и „сумирање“ за долги приватни пораки, како и нови уметнички алатки за уредување „приказни“.