Предвидено е новата држава да зафаќа 27 хектари, да има своја администрација, пасоши и граници. Лидерот на бекташиите, Хаџи Деде Едмонд Брахимај, изјави дека целта е да се поттикне меѓурелигиски дијалог и да се спречи екстремизмот.
„Оваа иницијатива не е за самоопределување; ниту бараме влијание или политичка моќ. Наместо тоа, бараме слобода да ја продолжиме нашата вековна традиција на духовна умереност и религиозна вклученост“, изјави Хаџи Деде Едмонд Брахимај за ABCNEWS.al
Државата ќе дозволува употреба на алкохол, жените ќе имаат целосна слобода во облекувањето, а правилата на живот нема да бидат наметнати, во духот на толерантните бекташиски практики. Според Рама, оваа иницијатива го промовира исламот на кој Албанија се гордее и ја зачувува религиозната толеранција на нацијата.
Редот на Бекташи потекнува од 13 век во Отоманската империја, а по прогонството од Турција во времето на Ататурк, неговото седиште беше преместено во Тирана.