Европската фудбалска асоцијација (УЕФА) го одржа 49-от редовен конгрес во Белград под водство на претседателот Александар Чеферин, а на седницата беше истакнато дека УЕФА е во добра финансиска состојба по рекордните приходи во сезоната 2023/’24.
Исто така, благодарение на успешното Европско првенство во Германија, за кое беа продадени 2,7 милиони билети, минатата година УЕФА имаше рекорден приход од 6,8 милијарди евра, од кои повеќето, 73,1 отсто се медиумски права.
Резервите исто така моментално се над посакуваната граница од 500 милиони евра, што значи стабилно работење до 2028 година, при што сумите благо ќе се намалат. По ЕП во 2028 година, очекуваат резервите повторно да се искачат над планираните 500 милиони евра.
Во периодот 2025/26 г. главни настани ќе бидат машките клупски натпреварувања кои планираат да остварат приход од 4,5 милијарди евра, а УЕФА со нетрпение го очекува и овогодинешното Европско првенство за жени во Швајцарија, каде ќе има 700.000 влезници, а очекуваат приходите да се удвојат во споредба со последното Европско првенство во 2022 година, кога приходот беше 65 милиони евра.
„Често слушам дека УЕФА премногу се фокусира на правење пари. Но, ние не сме бесчувствителна машина за правење пари. Ние сме чудо кога собираме пари и ги дистрибуираме. И тоа го правиме совесно. Затоа што се враќаме. Затоа што ги распределуваме тие средства, праведно и со добра волја. Ги враќаме парите на фудбалот, на европскиот фудбал, за доброто на многу а не само неколкумина.
Тој исто така нагласи дека европскиот фудбал мора да остане обединет во свет во кој се зголемуваат поделбите, дека фудбалот е огледало и модел за општеството и дека за разлика од политиката која гради ѕидови, фудбалот гради мостови.
Тој рече и дека не ги разбира обвинувањата дека фудбалот е во криза, бидејќи минатата сезона Европа имаше околу 230 милиони гледачи на сите нивоа, а оваа сезона се очекуваат повеќе.
Во тоа донекаде помогна и промената во европските клупски натпреварувања, поточно Лигата на шампионите и Европската и конференциската лига, што донесе поголема возбуда.
„Се обединуваме и инспирираме кога имаме повеќе од 40 национални асоцијации претставени во лигашките фази на нашите клупски натпреварувања. Ова е рекорден пример за различност“, додаде претседателот на УЕФА.