Компанијата „Алкалоид“ АД Скопје по трет пат последователно ја доби титулата најпосакуван работодавач за 2024 година, според националната анкета спроведена од веб-порталот „Вработување.ком“. На свечената церемонија организирана од „Вработување.ком“, беа доделени признанија за најдобрите компании во повеќе категории, врз основа на гласовите на граѓаните и работната сила од цела земја.
„Оваа награда претставува значајно признание за нашиот континуиран труд и заложба за градење позитивна и поддржувачка работна атмосфера. Во „Алкалоид“ веруваме дека клучот за успехот се луѓето – нивната стручност, ентузијазам и посветеност. Нашата компанија постојано вложува во развојот на вработените, создавајќи услови за професионален напредок, соработка со образовни институции и активна поддршка на заедницата. Посветени сме на развивање организациска култура што се темели на високи етички и професионални стандарди, иновација и визија. Нашата цел е да продолжиме да бидеме прв избор за младите и амбициозни луѓе кои ја гледаат својата иднина во стабилна, модерна и одговорна компанија“, велат од „Алкалоид“.