Актуелниот возач на Формула 1 во тимот на Астон Мартин, Шпанецот Фернандо Алонсо го продаде своето Ferrari Enzo за вртоглава цена.
Ferrari Enzo е високо ценет на пазарот, а дополнителна вредност дава фактот што доаѓа директно од колекцијата на Алонсо. Автомобилот е продаден на аукција во Монако за дури 5,4 милиони евра, што е двојно повеќе во однос на моменталната пазарна цена на овој модел.
Порака на Алонсо била емитувана за време на продажбата.
„Овој автомобил ми значи многу, одлично се забавував додека го возев. Тоа е навистина магично уметничко дело. Знам дека ќе биде во добри раце, го молам новиот сопственик да се грижи за него и да ужива во него“, изјави Алонсо.
Автомобилот има една од првите каросерии произведени за Enzo, Scocca no-1, што значи дека е еден од најраните примероци.
Ferrari произведе само 400 патни примероци на Enzo, како и 30 FXX тркачки автомобили базирани на Enzo. Моделот на Алонсо е обоен во црвено Rosso Corsa и помина само 4.800 километри откако ја напушти фабриката во 2011 година.
Автомобилот е именуван по основачот на компанијата, Енцо Ферари, а овој модел беше предводник од Маранело во раните 2000-ти и продолжи таму каде што застанаа F40 и F50. Познат е по својата карбонска монокок шасија и лопатки на воланот за менување брзини, а придвижуван е од 6,0-литарски V12 мотор кој развива 650 КС.
Enzo забрзува од 0 до 100 km/h за 3,6 секунди и достигнува максимални 350 km/h.