Компанијата – гигант на онлајн маркетинг “Амазон” има нова услуга за своите клиенти.
Тоа е далечинско отклучување што им овозможува на продавачите да влезат дома и да ја достават пратката дури и кога примателите не се дома.
Системот Amazon Key исто така вклучува камера “за безбедност”, што им овозможува на луѓето да ја следат својата испорака во реално време на видео на смартфонот, објаснува “Амазон” во соопштението.
Системот / бравата, камерата и апликацијата / ќе им бидат достапни на купувачите на 8 ноември во 37 американски градови и ќе чинат околу 250 долари.
Како функционира системот? Штом возачот провајдер ќе побара пристап до домот на клиент, “Амазон” проверува дали станува збор за вистинскиот возач на вистинската адреса во предвиденото време благодарение на шифриран протокол за идентификација. Откако ќе се направи проверка, камерата инсталирана во домот почнува да снима и вратата се отклучува од далечина. Самиот давател на услуги нема ниту кодови за пристап, ниту клучеви, нагласува Амазон.
Системот “Амазонски Клуч” исто така може да се користи за да им се даде пристап на домот на роднини или пријатели на барање на клиенти. Во наредните месеци услугата ќе биде развиена со помош на партнерства со компании за услуги во домовите – шетачи на миленичиња, чистачи и др.