Американската амбасада во Приштина соопшти дека заменик-помошникот државен секретар на САД Габриел Ескобар, кој е и специјален претставник на САД за Западен Балкан, веќе работи на дијалог меѓу Белград и Приштина.
– Честитки за новиот специјален претставник за Западен Балкан, заменик-помошникот секретар Габриел Ескобар! Тој веќе работи на дијалогот меѓу Србија и Косово, предводен од Европската унија, обезбедувајќи пристапување на регионот на ЕУ и врши притисок врз лидерите на БиХ да ги унапредат реформите и да го почитуваат суверенитетот и територијалниот интегритет на БиХ, соопшти американската амбасада во Приштина на Фејсбук.
Ескобар во неделата ја посети Босна и Херцеговина, каде одвоено се состана со членовите на Претседателството на БиХ.
По средбата со српскиот член на Претседателството на БиХ, Милорад Додик, Ескобар како најважна ја издвои таа дека во БиХ нема да има војна.