Америка разочарана од Приштина: Целосно одложување, а не делумно или етапно

Меѓународната заедница побара од Приштина целосно одложување на спроведувањето на одлуката за пререгистрација на возилата, а не делумно одложување или нејзино спроведување во фази, изјави портпаролот на Стејт департментот Нед Прајс.

Прајс за американскиот медиум „Павловиќ тудеј“ изјави дека САД се разочарани и загрижени бидејќи владата во Приштина не ги послушала барањата и советите на „најблиските меѓународни партнери“ за одложување на рокот за пререгистрација на возила во Косово.