Американската актерка и пејачка-текстописец, Аликс Лапри е уапсена во Џорџија под обвинение за суровост кон деца од трет степен и нарушување на јавниот ред и мир.
Лапри, која е најпозната по улогата на Џозефина Ефи Моралес во ТВ серијата „Power“, беше уапсена на 18 август, но веста за нејзиното апсење неодамна стана јавна.
Лапри беше приведена во затворот во округот ДеКалб, каде што помина нешто повеќе од 24 часа пред да биде ослободена на 19 август.
Според законот на Џорџија, суровоста кон деца од трет степен е прекршок и вклучува дозволување на дете под 18 години да биде сведок, да види или да чуе лице обвинето за извршување кривично дело, напад или семејно насилство.
Родена во Канзас, Лапри ја започна својата музичка кариера со снимање ремикси и преработки на популарни R&B песни од 1990-тите и почетокот на 2000-тите. Во 2011 година, таа потпиша договор со Crown World Entertainment, а подоцна почна да глуми. Таа имала улоги во сериите „Reed Between the Lines“ и „Standing Up“.
Таа е најпозната по улогата во криминалистичкиот трилер на Starz – „Power“, кој беше ко-продуциран од раперот 50 Cent. Лапри се појави и во продолжението „Power Book II: Ghost“.