176
Американскиот конгресмен Хенри Кулеар бил под закана со пиштол додека му го краделе автомобилот во Вашингтон, јавуваат локалните медиуми, а пренесува Би-би-си.
Кулеар, републиканец од Тексас, наводно го паркирал возилото околу еден километар од американскиот Капитол кога тројца вооружени мажи му пришле во понеделникот.
Тој не бил повреден, а неговото возило подоцна било пронајдено.
Покрај автомобилот, на конгресменот му биле одземени и телефонот и ајпадот, соопшти неговиот шеф на кабинет, а не се знае дали му биле вратени уредите.
Од Капитолската полиција соопштија дека трагаат по сторителите.
Бројот на кражби на автомобили во Вашингтон е во пораст во последните години.