Американски воен авион со четири лица се урна за време на вежба на НАТО

Американски воен авион со четворица членови на екипажот се урна за време на воена вежба на НАТО во северна Норвешка, соопштија Норвешките здружени координативни центри за спасување.

Не е позната судбината на екипажот, изјави портпаролот на спасувачките центри.

Авионот од типот V-22 Osprey учествувал во вежбата на НАТО „Cold Response“ кога околу 18.30 часот било пријавено неговото исчезнување, изјавиле за Ројтерс од центарот за спасување.