Американското финансирање за Украина „не може да чека“, предупредува Бајден

Американските пратеници мора да одобрат финансирање за воените напори на Украина овој месец или ризикуваат да му го дадат на рускиот Владимир Путин „најголемиот подарок“, предупреди денеска американскиот претседател Џо Бајден.

„Тоа не може да чека“, рече Бајден во обраќањето од Белата куќа.

„Конгресот треба да усвои дополнително финансирање за Украина пред одморот – тоа е толку едноставно“, додаде тој.